My laaste kwartaal projek was "Die wêreld deur die oë van .........." Ek het 'n troeteldier, 'n kat, gekies.  Navorsing het beteken dat ek met my kamera vir dae agter my kat, Kimi, aangeloop het.  Partykeer het dit beteken ek moes saam in die boom klim, ander kere het ek op die grond rondgekruip tussen struike in die tuin.  Die foto's het my 'n goeie en interessante kykie gegee van wat hy beleef.  My medium is potlood op 3 panele 20x20 skets papier.

My eerste paneel is waar Kimi in die boom sit en 'n voël deur die blare dophou. Ek het die boom en die takke met donker soliede lyne gevul. Die blare se are is donkerder gemaak en die skaduwee's is met die stumps in geskakeer. 

My tweede paneel sit Kimi onder op die vloer en kyk op na die kombuis toonbank.  Die stoel is met cross hatching gevul en die toonbank se rand is donker gemaak en die onderkant van die tafel is van donker na lig geskakeer soos die skadu val. Die onderkant van die houtblad is met reguit af lyne gevul. Kaste se deur en bo rand is met donker skuins lyne gevul en die hout rondom dit  is met ligte lyne wat die teenoorgestelde rigting is gevul. Die bakstene is met 'n ligte potlood gevul en met die stumps in geskakeer. Die houtrakke binne en buite die kaste se rante is donker gemaak en die onderkant van die rak is ligter. 

My derde paneel is waar Kimi na 'n visbak kyk met sy pote teen die glas. Die eindelose klomp klippies het baie tyd in beslag geneem.  Die filterbuis is rond en ek het dit beklemtoon geronde dwarslyne.  Ek het weereens stumps gebruik om lig en donker kontras op die blare te skep. 

Hierdie opdrag het my forseer om my kreatiewe denke te toets.  Dit was ook baie opwindend om die wêreld letterlik en figuurlik op 'n ander "vlak" te beleef.  

3de Kwartaal Projek

Die medium vir hierdie projek was "pen en ink" skets.  Omdat ek baie nuut was met die hele kuns ding, was dit weereens 'n eerste vir my.  Ons moes 'n maksimum van 4 raampies van 'n grafiese prenteboek doen.  

Die tema vir die projek was " 'n Dag by die skool, maar met 'n verskil...."  Ons moes foto's neem op die skoolgronde, klaskamers ens, en dan 'n storie illustreer.    M.a.w. die storie kon afspeel op die skoolgronde gedurende pouse of in 'n klaskamer of tydens naskoolse aktiwiteite.  Ek het 'n hele reeks foto's in Juf Myburgh se biologie klas geneem.  Die spesifieke dag het ons die dissektering van 'n bok se ingewande gedoen.  Daar was dus baie detail en ek moes my foto's baie mooi bestudeer om dit lewensgetrou te laat lyk.  Observasie by hierdie taak was dus baie belangrik.  Illustrasiekuns vereis goeie toonwaardes en lynwerk.

Aan die begin van die taak was ek 

My 2de kwartaal kuns taak!

Ek het 'n portret van "Venus" gemaak wat deel vorm van Botticelli se skildery "Birth of Venus".  Botticelli was 'n Italiaanse  kunstenaar uit die Renaissance tydperk.

Hierdie opdrag was vir my 'n reuse uitdaging.  Dit was my heel eerste poging op skilderdoek en sal dus altyd 'n spesiale plekkie hê.
Ek het nie geweet waar of hoe om te begin nie, maar hoe sê hulle eet jy 'n olifant op?.....happie vir happie....
Eerstens het ek 'n grit opgetrek op die skilderdoek (A3 grootte), 10 x 7 blokke.  Daarna het ek 'n baie noukeurige potlood skets op die doek gemaak.  Die agtergrond het gevolg, 'n turquoise waarvan die boonste helfte donkerder as die onderste moes wees.

Renaissance kunstenaars was voorwaar briljant met die kwas.  Nie net het hul ongelooflik kleurskakerings gehad nie die gesigte het soveel karakter gehad.  Hul het ook hierdie delikate blosende velkleur bemeester.  Om dit te kon naboots, moes ek baie geduld hê met die meng van al die "stunning" kleure.  Die vel was beslis een van die moeiliker dele.  Ek moes begin deur rooi, geel en wit te meng tot 'n baie ligte pastel perske kleur.  Dit is bietjie vir bietjie ligter gemaak om so 'n room beige met 'n titseltjie perske te kry.  Die hele gesig is daarmee gedoen.  Rondom die ken en kakebeen is 'n donkerder skakering hiervan met 'n "wash" gedoen om skaduwee's te vorm.  Die res van die gesig se skadu's, soos by neus en wenkbroue, is ook op die manier gedoen.,  Die ooglede en wangbene het so bietjie pienk blos bygekry.  Die wit van die oë is "off white" en die oog self is hazel bruin.

Die hare was nogal 'n uitdaging van sy eie.  Daar is soveel skakerings van bruin, rooi, oranje en geel in, dat dit my letterlik ure geneem het om die regte skakerings op die regte plekke te kry.  Eers is al die hare in 'n auburn skakering gedoen en daarna het ek begin speel deur skakerings van bruin vir die donkerder gedeeltes by te sit en 'n ligter "strawberry blond" tussenin. Om die vloei van die hare mooi te kry het ek 'n auburn "wash" gedoen met los stringetjies hare om die haarlyn en in die nek.

Ek staan 'n tree terug en kyk met trots na my eerste skildery...... ♪♫what a feeling...♫♪...